神經俠侶

比起幾千萬的大製作，《神經俠侶》拍得更好看。再一次證明，有錢絕對唔係贏晒，大電影可能因為要展示電影如何不惜工本而忽略了藝術的永恆主題：人性。總之，如果說香港電影要以大灑金錢的手法來取悅人，我就覺得方向是走錯了。

說回《神經俠侶》，我認為陳奕迅扮演冇晒火氣的警察做得相當好，原來少少黑面既佢真係可以演活一個行beat行到灰的差人。惠英紅見到吳鎮宇跳樓一幕真係好觸動到人......基本上成套戲的選角都好，帶出做差人嗰種「由expectation mismatch至志氣低沉至最後都係打份工啫」的心態。雖然自己唔係當差，但呢啲感覺邊個冇試過呢。

阮世生執導的戲充滿感情，好中意佢寫灣仔用嚟襯托一個步入“更年期”的警察，人景交融描寫細膩。做得編劇多，真係會了解世情比其他人更深的。

「我唔搏，做差人嚟做咩呀?!!」