一套戲

新年假期時睇咗一套戲。男主角本來有個好好既女朋友，唔單止支持佢搞生意出書，仲按咗自己層樓俾佢去發展事業。男主角事業有成，但中途見色心起搭上咗一個舞小姐，舞小姐生性刁蠻，自己霸到既嘢當然唔會咁容易俾佢走。佢走去搵男主角既女朋友講數，兩個人坐喺梳化一頭一尾，冷戰咗好耐。最後女朋友決定離開，俾個第三者做女主人。

男主角返到屋企好驚訝，起初只係諗住玩下，冇諗過女朋友都會冇埋。其實，男主角一早已經將按樓既錢俾番女朋友，但佢最後竟然發現張支票冇俾人拎走，上面仲寫住 I love you。

男主角見到張支票忍唔住喊，但最後都冇追番呢個女仔，就係因為自己覺得好內疚，就算搵番佢都冇面目再一齊。

故事的反思就係，究竟喺愛情方面，做好人係唔係一定會有好報呢？做衰人又係唔係真係有日會粉身碎骨兼永不超生呢？唔知。不過內疚真係可以令一段關係完全番唔到轉頭，男人要做衰人其實不如由佢做，拎番佢張支票，打劫埋佢屋企，唱衰佢再淋佢紅油，可能，可能，個男人就會返回你身邊。因為佢覺得，我衰，你仲衰過我，咁我同你一齊就匹配嘞。

好可憐？其實我以上講既嘢都同愛情無關，真係愛一個人既話一定會做女朋友做既事，但有愛情又唔代表可以維繫兩個人既關係，究竟要做衰人定係要做好人，大家自己揀。

New York New York

終於找到了Frank Sinatra的《New York New York》，音色依然美麗。在一個人的房間裡，躺在床上聽著那句 I want to wake up in a city that never sleeps，想家的心情突然湧至，最後歌曲隨著saxophone完了，我就睡去。

想找這首歌是因為忘不了在中學那個狹小的飯堂練樂團的那一年。我記得敲擊房在三樓，飯堂在地下，我們每個星期二都走上去把其他同學的叮叮喳喳都搬下來，地面都被刮花了，途中那個鼓那個cymbal都不知碰到過幾多人。

那個充斥著油餿味的飯堂，地板總是鋪不好的，percussion霸佔著左面角落的位置，前面的那條樑柱就阻住了我們與指揮的視線，指揮往往要伸長脖子來看我們。總記得他每次來的時候都是氣沖沖的，平凡的樣子埋沒不了那點藝術家的狂野，他絕對是那種為音樂不作任何妥協的人。當時不太喜歡他，現在想起來卻覺得有趣。

那年我們不知在那個場合表演，曲目就是《New York New York》。我很喜歡那首歌，一開始是xylophone跟flute，之後就有brass......我們的技術當然不好，在一個小飯堂，樂器都不是自己的，你可以期待什麼。但我就是懷念那個熱得令人發瘋的飯堂，我們在柴娃娃的吹奏《New York New York》，曲者在頌讚一個繁華的大城市，我們就用那幼稚的技巧來模仿著某一種聲音。

之後我沒有再玩樂團了，但不停找《New York New York》的碟來聽。聽到了，卻有點失望。他們吹得太好了，我想要的，只是那年那幾十人用幼稚的技巧來模仿著某一種聲音的《New York New York》。