兩姊妹的後現代生活

我：「唉，衛詩冇架嘞，佢公司一定炒佢啦，不如我哋兩姊妹頂上啦，我哋一定會紅過佢哋架。」

妹：「吓？我哋頂上？改番個名先啦不如......好似筷子姊妹花個類呢。」

我：「喂不如叫瓜子姊妹花啦，你咁鍾意剝瓜子。」

妹：「wahaha 我係紅瓜，你係黑瓜。」

我：「咁我哋有咩派台歌呀？」

妹：「嗯，明愛瓜子補習社囉。(突然之間開始唱歌) 先生早，校長早，各位早......」

我：(呆左)

妹：「喂仲有仲有，下一站......大圍！」

我：(笑到出唔到聲)

妹：「Twins仲有咩歌呢？我好似記得佢哋有首歌叫瓜子臉喎......」