當TVB 癮發作的時候......

當TVB癮發作的時候......

20:45：「吓？唔係呀嘛，《大冬瓜》呢啲咁既劇都有得播黃金時段，不如我拍套去播仲好啦。冇啦，《大時代》既日子已經過去啦。」[慨嘆]

20:50：[廣告-桌球天王]「嘩，TVB終於有套劇係有啲新意喇，講桌球喎。唓，睇周麗淇打桌球個樣好似打康樂棋咁，Casting好差......仲要搭鄭少秋?!!!返去打康樂棋啦你哋。」

20:51：[仲係同一個廣告] 「唔知呢套劇會唔會有傅家俊客串呢？又唔知會唔會有奧蘇利雲呢？嘩嘩......」[愈諗愈遠]

20:56：「《大冬瓜》入面又有楊天經。」:))))

20:58：「好唔鍾意陳錦鴻。」:((((

22:00：「喂唔係呀嘛，《學警狙擊》又有楊天經？做咩事先，唔捧林峰捧佢啦係咪？佢仲要扮黑社會!!!搵鬼信你啦，又係Casting出事，不如叫大傻扮牧師......」

22:05：「三哥好靚仔。」:)))))

22:10：「周海眉真係好娘。」:(((((((

22:14： [廣告-志雲飯局]「志雲飯局其實都有啲山窮水盡既感覺，訪問完阿嬌仲可以訪問邊個？就嚟要喺街是但搵人上去訪問。」

22:15：[廣告-勁歌金曲]「點解胡倍蔚嚟咗香港咁耐啲廣東話都可以咁唔準？咁點解香港人講英文又唔俾有Hong Kong Accent先？」

22:16：[廣告-獎門人]「又有洪天明?!!!!!!!佢玩咗10個星期有多啦，Are you kidding me?!!!!」

******************************************

我就是這樣的一個人，既要鄙視別人腦殘，又要看沒頭沒腦的TVB，還要意見多多，情緒是100%隨著在公仔箱出現的人和劇上上落落，緊張過看英超聯。

這個電視台嘛，一台獨大，卻小家，沒新意，劇集套套翻兜，做完皇庭1，2，3又做鑑證4，5，6再做學警7，8，9......而且近年才有非happy ending的劇集結局。

但我還是很喜歡看TVB，因為他就是我成長的伴侶。

成長就是這樣，無無聊聊，渾渾噩噩，TVB給我的不止是一套道德價值觀，同時是一套生活態度。其實，電視劇是一個重要的渠道讓小孩子去明白世界，明白別人的心理。兒童成長中一定要有“hea下”的時候和空間，你不可以強求小朋友每分每秒都補習，學跳舞學游泳，“hea下”是成長中的催化劑，不可或缺。

成長中沒有電視陪伴的小孩習慣以自己為主角，因為父母的眼光都聚焦在他們身上，但看電視的小孩早就知道劇集總有主角和綠葉。人人都是主角，劇就不好看了，那沒有角色名字的幾個人，總會在你我的心盤旋，就是因為沒有名字，我們才會牢牢記住他們的樣貌。小時候想，你們這班人真傻，沒有主角做都肯制，長大了才明白其實所有人都是其他人的配角，有分別嗎？你還是主角嗎？

有時令人留下深刻印象的，總是綠葉。