banker

因為工作關係，時不時都會見到投資銀行trader，banker，fund manager等等，我發現佢地著衫真係幾有型，個樣亦唔差 ─ 今日個客件西裝褸入面既裡布係shocking red咁既色架，袖口鈕又好靚。佢行路既時候係咁掩掩揚揚有啲紅色咁，真係subtle得嚟又有啲sharp！型哉。

〈同尋日個entry冇矛盾啊，我話我會欣賞美麗既外表架嘛。〉
__________________________

個市係咁跌係咁跌係咁跌，愈來愈多人喊住咁講隻I kill you later害得佢點慘 (有啲仲係leverage咗添呀陰公)。睇番啲terms，個knock-out咁低，個strike又咁高，會唔會真係好冒險呢？嗯......有時覺得投資真係一種賭博，一種包裝咗既賭博。
__________________________

今日睇報紙有個十二歲既女仔自殺，對於佢點解會死，眾說紛紜。陶傑話其中一個原因係佢嫌自己個樣唔靚，所以就選擇唔再活落去。我一聽，「吓？咁我咪應該死咗好多次？」

雖然由細到大我個樣都絕對唔係姿色出眾，行出嚟又唔係腰板挺直自信心爆哂燈，但唔知點解我始終有個pride覺得自己係與別不同 :))))，就係呢種唔知邊度嚟既pride令我可以對“唔靚”既呢個現實處之泰然。咁呢個世界明明係又有花旦又有性格小生架嘛，我唔醜樣邊得你咁靚唧，哼~

小朋友，如果有日你覺得自己唔夠靚，覺得人生冇希望，你既明星/model夢碎咗，你即刻諗，「但係楊千嬅都得喎，有咩係冇可能既先？然後韓紅，李宇春，王宛之都得喎，做人既野最緊要係一世夠運，話唔定我聽日喺街撞到Paco呢 ！」

嗱，死咗就冇得喺街撞到Paco嘞！