可以不理

“劉吳惠蘭，何明華會督銀禧中學畢業，及後於1976年在香港大學文學院畢業，同年10月加入香港政府政務職系，先後在福利署、教育署、政務總署及銓敘科任職；1998年出任資訊科技及廣播局副局長，翌年1月改任市政總署署長，同時晉升為首長級甲級政務官，成為「殺局」前最後一任；2000年1月1日起出任經重組後的食物環境衞生署署長一職（也成為該署首任署長）。劉吳惠蘭任食物環境衞生署署長時遇到禽流感，她表示每月二十五日實行的「街市雞檔休市清潔日」要以強硬的態度去執法。她亦曾在任內提議將「垃圾桶」按中國大陸的叫法改為「果皮桶」，引起公眾嘩然。 ”

劉太一畢業便進入政府打工，同商界脫咗節真係唔出奇。佢一上任已經爆咗句“唔想打商界工因為覺得商人好奸”，隨即引起公眾嘩然。既然啲商家咁奸，你依家做商務及經濟局局長，你咪好辛苦？一開工就得罪晒啲商人，除咗話呢個人冇腦之外都唔知講咩好。尋日佢又呼籲奸商唔好炒員工，只係減佢地一半人工就好啦，呢句說話比開山爆石既火藥更具爆炸性。一來得罪了員工 ─ 減唔係唔得，但又憑咩叫人減一半呢？又唔見你走去壓住個通脹叫惠康百佳減一半？你又知唔知，既然啲商人咁奸，如果減咗一半就真係30年都唔可以升番嗰個原有既水平？又有啲人其實已經得5000蚊人工，你再減佢一半佢得2500蚊，入八達通返工都未夠錢，咁搞法真係要辭職唔做拎綜援，咁即係政府養埋囉，你個局長真係想得好周到。

呢啲局長，可以不理，唔好指望佢幫到香港人。