做女人好麻煩，因為...... (只適用於香港)

做女人好麻煩，因為......(只適用於香港)

1. 要著住高踭鞋追巴士，的士，小巴......

2. 過馬路嘅時候，高踭鞋個踭永遠俾街邊坑渠蓋個凹位食住（然後又轉紅燈，wahhhhh！）

3. 挨近30歲仍然單身，親戚會問你有咩事（其實咪就係冇咩事所以單身！）

4. 過左30歲仍然單身，親戚見到你會縐眉頭。

5. 唔可以一路食嘢一路講嘢。

6. 女上司俾人label左係變態。

7. 一日做12個鐘搵番嚟嘅錢，1個鐘洗晒。

8. 身材唔好怕俾人笑，身材太好又怕男同事有不軌企圖，依家要防埋女同事！>_<”
http://news.sina.com.hk/cgi-bin/nw/show.cgi/2/1/1/1534026/1.html

9. 有時要扮蠢，營造脆弱同埋無知嘅形象（好多女人都係影后，哈哈！）

10. 男人帶眼鏡等如型同埋有學識，女人帶眼鏡等如......「喂好難做呀點帶你去蒲唧！」「你個樣好殘呀！」「你去配con啦！」「你咁似教書嘅？」

11. 不停俾人拎嚟比較，面對競爭要扮處變不驚。

12. 星期六日著得成熟少少 ─「返工呀？」著得後生少少 ─「幾歲呀你靚模呀？」